Monday 28 January 2008

廣東“時尚”三字經

人之初 口多多 笑騎騎 放毒蛇,
聲大大 無貨賣 眼大大 易學壞,
周身郁 扮忙碌 眼濕濕 扮憂郁,
嘴藐藐 打得少 靜雞雞 認低威,
有早知 無乞兒 晨早知 中大彩,
擔凳仔 霸頭位 一張票 睇到笑,
好好好 睇唔到 繞埋手 晨早走,
有得振 無得訓 搞搞震 無幫襯,
側側膊 唔多覺 搏大霧 唔洗做,
有姿勢 無實際 有交易 靠實力,
七八九 飲到嘔 硬骨頭 食地球,
手頭緊 搵真銀 烏啄啄 任人將,
淡淡定 有錢剩 失失慌 害街坊,
有得賭 精神好 三缺一 慘過乞,
騰騰震 蝦光棍 時運高 搏返鋪,
二仔底 無得睇 隨口誁 當秘笈,
贏粒糖 輸間廠 贏把遮 輸架車,
有竇口 早得抖 讀書少 比人藐,
頭岳岳 四圍度 爛撻撻 唔負責,
無曬計 發爛招 咖哩啡 扮阿姐,

頻頻撲 搵命搏 姿姿整 有環境,
咁人齊 等發圍 趁佢病 欏佢命,
出黎威 識搶咪 唔想衰 埋大堆,
有異性 無人性 有殺錯 無放過,
有胸毛 出黎蒲 手毛長 性欲強,
聽唔明 扮純情 懶癡纏 搏可憐,
大笪地 食自己 做臭四 無定企,
眼光光 等天光 印印腳 等人約,
有斷估 無痛苦 人工高 無秘撈,
唔夠班 執二攤 跟老頂 有得醒,
走得快 好世界 走得摩 無鼻哥,
大肚dum 無良心 大蝦細 比屎喂,
有背景 無困難 有資格 大餐史,
當老大 有紋身 渣fit人 有疤痕,
密響喚 無甩拖 手指指 靠面子,
十十下 拉頭馬 中間界 騎呢怪,
唔夠皮 無面比 二三線 好難變,
手指指 扮fan屎 無拉拉 整笪疤,
白白淨 無性病 人嚇人 好易暈,
吹吹水 唔抹嘴 趁你病 撻你訂,
癲癲地 唔識死 渣藍籌 唔洗愁,
過大海 搏好彩 四圍走 鬥疊友

No comments: